… aber arbeit`t häv see nich
Krigg Moder Rente?? Nä, see häv doch nie arbeit` t!
Gutt, see häv Vader Bottrams för de Fabrik schmeert,
datt Huss sauber makt,
us Blagen to`e Welt bracht,
de Windeln wesselt und wasket:
Nä, aber arbeit `t häv see nich.
Middags, wenn Vader noo Hus henn kam,
stenn dat Äten up`n Diss
för Oma unn Opa Engbers hävv see sorgt
ass see sikk nich mehr hälpen könn`n:
Nä, aber arbeit`t hävv see nich.
See häff wal Wöschke makt unn Socken stoppt,
för uss Blagen Wöschke flickt,
inn`n Sommer oopt Land
Garben bunn`n un noher to Stucken opstellt:
Nä, aber arbeit`t häv see nich.
See häv wal Hollt un Koll`n haalt
datt de Köcke immer schön warm was,
unn datt datt Äten kockt wer`n konn,
un vör all`ss, datt Tante Liespeth nich froß.
See hävv den Goor`n mett`n Schuten ümgrab`n,
säiht un pot`t,
un in`n Harfst alles inkockt:
Nä, aber arbeit`t hävv see nich.
See hävv de Köeuhe foort un ok molken,
Schwiene un Höhner foort,
ussen Prinz, denn Hund un dee Katten won`n ok nich vergäten,
un oft wassen ok noch Kälvkes dor,
de ädde Melk häm`n mössen:
Nä, aber arbeit`t hävv see nich.
In`n Winter, wenn`n Schwien schlacht wodde,
mook Moder denn Kohpott an
un den Wöscke-Innsatz möß mit Waater vull maakt weern,
dann hävv Moder Blootwost , Läwerwost,
Pannaas uns Wostebrot makt,
Flees wodde ienpökelt, oder ienkockt,
Joh, föör`t sauber maken was see dann natürlich ok tooständig,
de Schinkens wonn`n ook noch röökat met Böken-Sagemähl,
Nä, aber arbeit`t hävv see nich.
kamm`n de Blagen van`de Schoole
un de School-Uppgaben wassen te schwor,
dann was Mama immer door,
see ler`n dorbie noch dee latienske Schrift;
denn ienn edde Schoole häh see de noch nich:
Nä, aber arbeit`t hävv see nich.
Joh, Mama was vör alle door,
fö`n Husholt, de Blagen, Oma un Opa,
för Papa, Tante Liespeth, dat Veeh,
un mongs ok nock vör de Noobaas:
Nä, aber arbeit`t hävv see nich.
Ass Vader 1960 dot gäng,
stänn Mama mett uss 13 Blagen alleene door,
denn Kotten mett datt Veh was te versorgen,
see häff et schafft mett Franz siene hölpe,
jeder van uss konn, unn hävv n`n Beruf lehrt,
Jeder van uss is anständig döör`t läwen komm`n.
Datt häff Moder alles schafft:
Nä, aber Mama: arbeit`t hävv see nich.
Bernhard Engbers: Gedichte von mir
Gedanken ( von Maria Schoppmann, geb. Engbers) zum 84. Geburtstag von Mutter Maria Engbers in Tungerloh, 04.03.1995 (frei geändert von Bernhard und auf platt, am 18.Febr. 2019)
